Walang may gustong ipagbili ang Rizal Memorial Sports Complex base sa mga nakausap ng Philippine Sports Commission mula sa mga ahensya ng gobyerno, ilang matataas na lider sa pamahalaan, atleta at miyembro ng kanilang pamilya.
Ito ang nag-udyok sa PSC Executive Board na pinangungunahan ni chairman Butch Ramirez para kanselahin na ang negosasyon sa pagbebenta sa 83-year-old national stadium. Inumpisahan ang negosasyon sa panahon ni Ricardo Garcia, pinalitan ni Ramirez.
“Ayaw ng Congress and we found out in the course of negotiations the RMSC is a heritage,” ani Ramirez kahapon pagkatapos ng contract signing nila ni PSC-Phil. Sports Institute National Training Director Marc Edward Velasco kay USANA Philippines and Indonesia vice president Aurora Mandanas-Gaston sa PhilSports Complex.
“It was not the price actually, it’s a matter of preserving the RMSC. I don’t want to be blamed by the athletes and people ‘pag time na umalis na ako and majority would love to preserve the place so the Board terminated the negotiations,” hirit pa niya.
Humingi rin ng inputs ang government sports agency kina Executive Secretary Salvador Medialdea, Presidential Adviser on Sports Dennis Uy at ilan pang taga-Malacañang.
Para maging transparent ang implementasyon ng partnership, sinabi ni Velasco na direktang ibibigay ang mga bitamina sa 300 atleta na ang ilan ay pa-29th SEA Games sa Malaysia sa buwang ito at sa susunod na taong Asian Games sa Indonesia.