Dumagsa ang malaking crowd ng supporters sa Music Hall ng Mall of Asia para suportahan ang PSL-F2 Logistics Manila.
Hindi nagpakita ng kapaguran ang players, sa pangunguna ni skipper Rachel Ann Daquis, na nakihalubilo sa halong 1,000 fans ng team na sasabak sa FIVB Women’s Club Championship umpisa sa Oct. 18 sa Mall of Asia Arena.
Kasama ni Daquis, star spiker ng RC Cola-Army sa Philippine Superliga, sina locals Mika Reyes, Kim Fajardo, Jovelyn Gonzaga, Frances Molina, Jen Reyes at Jaja Santiago. Naroon din si Shun Takahashi.
Nakipag-selfie din sa fans at walang tigil sa kapipirma ng autographs sina Yevgeniya Nyukhalova ng Ukraine, Stephanie Niemer at Lindsay Stalzer ng US, Tichaya Boonlert ng Thailand, Lynda Morales ng Puerto Rico, Yuri Fukuda ng Japan at Ekaterina Krivets ng Russia.
“We’re so flattered and overwhelmed with the kind of support they’re giving us,” ani 6-foot-6 middle blocker Krivets. “The place was rocking and the crowd was incredible.”
Sasagupain ng PSL-F2 Logistics Manila ang mga bigating teams ng Exzacibasi Vitra Istanbul at VakifBank ng Turkey, Hisamitsu Springs Kobe ng Japan, Pomi Casalmaggiore ng Italy, Bangkok Glass ng Thailand, Rexona-Sesc Rio ng Brazil at Volero Zurich ng Switzerland.