Aalisan na ng appointive­ power ang mga local executives sa pagpili­ ng mga pulis na mamumuno sa kanilang nasasakupan na daan na rin upang tuluyan nang maihiwalay at hindi na mabahiran ng politika ang kapulisan.

Ito ang pangunahing­ layunin ng panukalang bata­s na inihain ni Senator­ ­Panfilo Lacson na nag­la­layong pairalin ang propes­yonalismo sa hanay ng P­hilippine National­ ­Police (PNP) partikular­ pagdating­ sa pagpili­ ng provincial commanders,­ city at town chiefs of ­police.

Sa Senate Bill 971 ni Lacson na dating PNP chief, nakapaloob ang paghikayat sa local police na tumutok sa kanilang trabaho at hindi dapat magkaroon ng utang na loob sa mga local executives na siyang kasalukuyang may hawak ng ­appointive authority.

Sa panukala, ipagka­loob sa mga PNP regional director ang kapangyarihang mamili ng provincial/district director.

Bukod sa provincial/district director­ ay bibigyan din ng kapangyarihan na mamili ng city o town chief of police.

Ang mga provincial/district directors ay pipiliin ng regional director mula sa listahan ng qualified candidates.