Inaresto ng mga tauhan ng Northern Police District (NPD) ang isa nilang kabaro sa gate ng headquarters ng National­ Capital Region Police Office (NCRPO) sa ­Bicutan, Taguig matapos umanong ireklamo ng kasong ­extortion sa mga naaresto­ nilang umano’y mga drug pusher sa isinagawang raid sa Caloocan.

Kinilala ni NCRPO Director Chief Supt. Osca­r Albayalde ang pulis­ na si PO2 Franklin Menor, nakatalaga sa Regional Anti-Illegal Drugs (RAID) ng NCRPO habang ang 8 pang kasamahan nito ay inaalam pa ang mga pangalan nito matapos arestuhin ang dalawang hinihinalang drug pusher na nakilalang­ s­ina ­Marilyn Gelua at Kim ­Allen pawang­ nasa ­hustong gulang sa ­nasabing ­lungsod.

Batay sa ulat, una nang nagsagawa ng pagsalaka­y ang grupo ni Menor at ­inaresto sina Gelua at Allen.

Hinihingan umano ng mga pulis ang dalawan­g nahuling drug pusher­ ng tig-P150,000 bawat isa kapalit ng kanilang ­kalayaan pero isinuplong sa mga awtoridad ­dahilan upang ilatag ang entrapment operation na nagresulta ng pagkakasukol sa pulis.