Pumalag sa buy-bust tumimbuwang

Patay ang isang uma­nong tulak ng droga matapos pumalag sa mga pulis sa buy-bust operation kahapon ng madaling-araw sa Makati City.

Dead on the spot ang suspek na si Rogelio Solo, nasa hustong gulang dahil sa tinamo nitong ilang tama ng bala sa iba’t ibang bahagi ng katawan.

Sa report ng Southern Police District (SPD), dakong alas-12:30 ng madaling-araw ng magsagawa ang operatiba ng District Anti-Illegal Drugs ng buy-bust operation laban sa suspect sa Brgy. Olympia, sa nasabing lungsod.

Nakatunog umano ang suspek na pulis ang katransaksyon niya kaya­ agad bumunot ng baril subalit, naunahan siya ng mga pulis.

Tagged

Pumalag sa buy-bust tumimbuwang

Patay ang isang lalaki nang manlaban umano sa mga tauhan ng District Anti-Illegal Drugs – Special Operation Task Group (DAID-SOTG) matapos magsagawa ng buy-bust operation kahapon ng madaling-araw sa Pasay City.

Nakilala lamang sa pangalang “Norpip” ang biktima at walang perma­nenteng tirahan na namatay noon din sa pinangyarihan ng insidente dahil sa limang tama ng hindi pa mabatid na kalibre ng baril sa iba’t ibang bahagi ng katawan.

Sa report ni Chief Inspector Wilfredo Sangel, hepe ng DAID-SOTG, dakong ala-1:45 ng madaling-araw nang maganap ang insidente sa BAC-1-11 Don Carlos Village, Barangay 190 Zone 20 ng nasabing lungsod.

Nagpanggap na poseur buyer ang isa sa kanyang mga tauhan at bumili ng P500 ng shabu sa suspek.

Nakatunog naman ang suspect na pulis ang kanyang katransaksyon at umangkas ito sa motorsiklo ng alyas “Macmac”.

Nagkahabulan ang mga suspek at mga pulis hanggang sa magpaputok ng baril si Norpip at gumanti ang mga pulis. Doon na napatay si Norpip.

Tagged