Nilinaw ni PDP Laban Policy Studies Group head at Membership Committee National Capitol Region chairman Jose Antonio Goitia na muling nawala sa konteksto si Pangulong Rodrigo Duterte nang ikumpara ang sarili at ang kanyang giyera kontra droga kay Adolf Hitler at sa pagpatay sa anim na milyong­ Hudyo sa panahon ng Holocaust.

Ani Goitia, ang makulay na lengguwahe ni Duterte ay laging nabibigyan ng ibang kahulugan ng media kaya nababalewala ang konteksto at hind­i nakukuha ang kanyang punto.

Nilinaw ni Goitia na dapat pakinggan nang buo ang sinabi ni Duterte para maintindihan ang k­anyang reaksiyon sa pagkondena ng United States at European­ Union sa giyera kontra droga na ­nagmamalasakit lamang siya sa pambansang interes­ kaysa reputasyon niya sa pandaigdigang komunidad.

Humingi na si Duterte ng paumanhin sa mga Hudyo sa buong mundo at nilinaw na magkaiba ang kanyang giyera kontra droga laban sa mga kriminal­ at salot sa lipunan sa Holocaust ni Hitler­ na ­idinetine ang anim na milyong inosenteng Hudyo sa ­concentration camp at minasaker sa gas ­chamber.