AYON sa kritikong si Mario Bautista, ang 13th edition ng Cinemalaya ay “festival ng mga direktor na hindi marunong magdirek.”
At ang best film sa Cinemalaya ngayong taon ay ang opening film na Birdshot.
***
Hindi po gay film ang Birdshot.
Wala itong kinalaman sa ‘angry birds’ ng mga lalaking hubadero.
Official entry ito sa Pista ng Pelikulang Pilipino na magsisimula sa Agosto 16.
Dapat pusuan ito ng moviegoers na naghahanap ng matitino at makatuturang pelikula.
***
Gaganapin ang Pusuan Mo si Vice Ganda sa Korea: Nagmahal. Nasaktan. Nag-concert. sa August 13 sa Ansan Olympic Hall, Ansan ng South Korea.
Kasama rito ng Unkabogabol Star ang It’s Showtime co-host na si Ryan Bang na tubong South Korea at ang mga komedyanteng sina MC Calaquian at Lassy Marquez.
***
May nadirek nang short film si Yul Servo.
Inulam ang title nito.
Kaso, ‘nawala’ ito. Nasira ang computer na nilagakan ng mga nakunang eksena.
Hindi na iyon na-retrieve.
Gusto pa rin ni Yul na magdirek ng pelikula.