ANG nagwaging Bb. Pili­pinas-Universe 2017 na si Rachel Peters ay pinuri sa sagot niya sa Q & A portion.

Aminado siyang sob­ra siyang kabado pagkatapos niyang malagpasan ang naturang ba­hagi ng competition.

Ani Rachel, “I was very nervous. As soon as I got up stage, I was trying to think about what I was saying and I couldn’t remember, but all the girls were saying ‘oh you did really good, you did really good.”

Ayaw na sana niyang sumali sa Binibini dahil sa ‘di niya gaanong magandang karanasan nang sumali siya sa Ms. World-Philippines nung 2014.

Hindi nakuha noon ni Rachel ang title, at hanggang 4th princess lamang siya. Hindi siya masaya sa Q & A portion nang lumaban siya sa Ms. World-Philippines, kaya nagdalawang-isip siyang sumali sa Binibini, kahit marami na ang nangungulit sa kanya.

“It took me two years to gain confidence to be able to do it again. And after deciding, I was training for about four months,” sabi nito.

Natuwa rin si Rachel sa magagandang komento sa kanya na kamukha niya ang da­ting Ms. Universe na si Gab­riela Isler at pati ang Kapuso actress na si Solenn Heussaff.

“Oh they’re all compliments, you know she was Ms. Universe and that’s what I’m aiming for from day one, and so it also motivated me.

“I watched a lot of videos of her and so thank you Gabriela Isler for the motivation,” nakangiting pahayag ng bagong Bb. Pilipinas-Universe.

Marami ang nakaalam na si Rachel ang kasalukuyang girlfriend ng Camarines Sur Go­vernor Migz Villafuerte.

May narinig kaming tsikang sobrang suportado raw ni Migz ang kasintahan.

Napapag-usapang bumili ang Camsur governor ng isang libong tic­kets na medyo malapit pa ang upuan.

Kaya ang dami tala­gang nag-cheer sa kanya.

Hindi namin alam kung tig-magkano ang ticket na binili, pero ma­dugo kung totoong isang libong tickets nga ang nabili nito.