PINAGHAHANDAAN na ni Rachelle Ann Go na mag-Broadway sa susunod na taon.

Masaya niyang ikinuwento sa amin na noong nagsisimula pa lang siya nang nagtu-tour sa Amerika ang grupo ng Champions, manghang-mangha siya sa USA.

“Ang unang stop pa namin nu’n, sa New York. Sinabi ko tala­ga sa Times Square, magtatrabaho ako rito,” nakangiti niyang paha­yag nang makausap namin sa London, UK.

“Naisip ko nga, nangyari na ba ‘to? Basta, na-claim ko na tala­ga nu’n pa.”

Sa January next year ay sa Amerika na siya dahil bandang March na magsimula ang revi­val ng Miss Saigon sa Broadway.

Bago siya mag-Amerika, uuwi muna siya ng Pilipinas.
“Gusto ko, magpahinga muna talaga ako. Sa family lang. Exci­ted ako na sa Pilipinas mag-Christmas. After two years, sa atin ako magki-Christmas.”

Baka magkaroon siya ng show sa Manila pag-uwi nya pero maliit lang.

“Mas gusto ko kasi, rest lang talaga. Kasama ang family ko.” Baka blessing na rin ‘yun ng bahay niya na ipinatayo.

Halos 7 years ding pinaghandaan ni Rachelle Ann ang bahay para sa pamilya niya.