Patuloy na naghihintay ang Philippine Sports Commission (PSC) kung kailan maibibigay ang kinakailangang pondo para sa 30th Southeast Asian Games 2019.

Muling naunsiyami ang dapat na pag-apruba sa ‘reenacted budget’ para sa taong 2019 kung saan kabilang ang alokasyon ng pondo para magamit sa pagsasagawa, paghahanda at pagpapatayo ng mga pasilidad para sa pagho-host ng Pilipinas sa mulit-sport na kompetisyon sa darating na Nob. 30-Dis. 11.

“I’ll just cross my fingers because it’s beyond our control as to the direction of Congress and the President. We will wait for that,” giit ni Ramirez Martes ng hapon.

“At my age, I’m fatalistic. If it will come this month, it will come, if it will not, then so be it. We will just have to wait,” hirit niya.

Inihayag ni Senate President Vicente Sotto III Lunes ng gabi na ang ‘reenacted budget’ ay posibleng umabot sa Hunyo ngayong taon kung ang liderato ng House of Representatives ay mananatili sa gusto nito na amendments para sa proposed P3.757 trilyon na 2019 national budget matapos na ratipikahan.

Hindi naman makapagkomento si Ramirez kung aabot pa hanggang Mayo bago ma-release ang pondo.

“I don’t want to speculate. At my age, if it comes in March, very good. If it won’t, so be it,” panapos ni Ramirez.