Muling mapapalaban ang Rebisco PSL-Manila kontra Supreme ng Thailand ngayong araw sa simula ng classification phase ng Asian Women’s Club Volleyball Championships sa Ust-Kamenogorsk, Kazakhstan.

Alas-kuwatro ng hapon (Manila time) ang hatawan, sisikapin ng Filipinas na malampasan ang best finish na seventh sa Asian meet.

Sinabihan ni national team head coach Francis Vicente ang kanyang mga bataan sa pangunguna nina Rachel Anne Daquis, Aby Maraño, at Jovelyn Gonzaga na bigyan ng magandang laban ang Thai club.

Wala pang panalo sa tatlong subok ang Rebisco PSL-Manila.

“Let’s be motivated by those negative comments we get from people, let’s use it positively,” saad ni Vicente. “We will fight. Be positive and optimistic.”

Isa sa magbibigay ng sakit sa ulo ng Pinay netters si superstar middle blocker Pleumjit Thinkaow.

Kahit rest day, nag-ensayo pa rin ang Rebisco spikers kahapon.

“The reporters asked me why the team is always smiling and always celebrating points,” pahayag ni Daquis matapos ma-interview ng foreign press.

“I told them that’s our nature. We always have positive aura.”