Bagama’t hindi napag-usapan nina Pangulong Rodrigo Duterte at Indonesian President Joko Widodo ang lagay ng inakusahang Pinay drug mule na si Mary Jane Veloso, tiniyak naman ni Foreign Affairs Secretary Perfecto Yasay na nagawang makaagap ng last minute reprieve para sa Pinay.
“Ang pagkakaintindi ko, ang mangyayari diyan ay wala namang scheduled, dinefer muna execution because she (Mary Jane) will be testifying,” dagdag nito.
Nauna nang sinabi ng Indonesian attorney general’s spokesman na postpone ang execution ni Veloso matapos na sumuko sa mga awtoridad ng Pilipinas ang isa sa recruiter nitong si Maria Kristina Sergio.
“The execution of Mary Jane (Veloso) has been postponed because there was a request from the Philippine president related to a perpetrator suspected of human trafficking who surrendered herself in the Philippines,” bahagi ng pahayag ni Tony Spontana, spokesman for the attorney general.
Iginiit naman ni Yasay na indefinitely ay na-postpone ang pagpapatupad ng death penalty laban sa Pinay.
“There’s no schedule. It has been postponed indefinitely for Mary Jane. She has been off the execution schedule, and we will be informed if that happens and I don’t think it will happen because the agreement is she will be allowed first to testify. They’re just getting her interrogatories or depositions, and so on,” ayon kay Yasay.