Kinuwestiyon ni Davao City Mayor Sara Duterte ang pagsawsaw ni Vice President Leni Robredo sa usapin ng honesty.

Sinabi ng chairperson ng Hugpong ng Pagbabago na walang karapatan ang bise presidente na magsalita tungkol sa honesty at integrity dahil sa unang araw pa lamang ng pag-upo niya sa nasabing puwesto ay tinawag na siyang ‘fake VP’ at may kinakaharap din itong electoral protest dahil umano sa malawakang dayaan noong 2016 elections.

Maging sa isyu ng pagkakaugnay niya sa ­lalaking may pananagutan na, hindi rin aniya ito direktang masagot.

“She has refused to answer allegations of her relationship with a married man. She may or may not get away with these but we all know she is not forthco­ming in everything,” banat ni Mayor Sara.

“The reason why good moral character is not a requirement to run for Vice President is because we have so many Leni Robredos in this world. And if she insists in saying that you have to be honest to run for public office, then she must say goodbye to her dreams of becoming President,” dagdag pa ng presidential daughter.

Nauna rito ay sinabi ni Robredo na hindi dapat tumakbo sa halalan ang mga kandidato na hindi matapat.