Tatlong magkakasunod na putok ng baril ang gumising sa isang 12-anyo­s na batang lalaki at nang tingnan ay isang lalaki ang itinulak mula sa isang motorsiklo ng riding-in-tandem at pinaputukan sa C-3 Road, Caloocan City ­kamakalawa ng gabi.

Sa salaysay ng saksi na hindi pinangalanan,­ ang bangkay ng lalaki na inaalam pa rin ang pagkakakilanlan ay nakagapos ng packaging tape ang mga kamay at walang suot na pang-itaas.

Inaalam ngayon ng ­pulisya ang pagkakaki­lanlan ng biktima gayundin ang mga nasa likod ng nangyaring krimen.

Sa kaugnay na ulat, napag-alaman kay PS/Supt. Johnson Almazan ng Caloocan City Police, alas-tres ng madaling-­araw nang mahagip ng closed circuit television (CCTV) ang pagpatay sa biktimang ­inaalam pa ang pagka­kakilanlan.

Base sa kuha ng CCTV, may dumating na dalawang motorsikl­o na ang isa ay may tatlong sakay, huminto uman­o ang mga ito sa kanto ng Maria Clara Street at 10th Avenue kung saan ay bumaba ang dalawang sakay ng isang motorsikl­o kabilang ang nagmamaneho at hinatak ang isa pang sakay nito na walang pang-i­taas na kasuotan at nakatali ang mga kamay.

Pagkababa ng mga ito ay makikita rin sa CCTV na nakahinto ang isa pang motorsiklong lulan din ang dalawa pang mga ­lalaki habang hinihintay­ ang dalawa pa nilang kasamahan.

Doon ay pinatalikod ang biktima saka pinaputukan ng tatlong beses sa likurang bahagi ng ulo nit­o bago umalis at iniwang wala nang buhay na nakadapa.

Sa pagsisiyasat ng Scene Of the Crime Ope­ratives (SOCO) ay nasa anim na basyo ng bala mula sa hindi pa nalalamang kalibre ng baril ang na-recover sa lugar kung saan pinaslang ang biktima na nakagapos ng packaging­ tape sa likod ang mga ­kamay.