Mga laro sa Sept. 30: (San Juan Arena)
2 p.m. — San Beda vs Perpetual Help (srs)
4 p.m. — Arellano U vs Mapua (srs)
Isang dekada nang inaangkin ng San Beda ang top seed sa double-round elimination.
Sumandal ang Red Lions kay AC Soberano upang kalusin ang Arellano University, 80-73, at makopo ang No. 1 seed sa 11th straight year sa 92nd NCAA basketball tournament sa Filoil Flying V Center sa San Juan City.
Sumikwat si Soberano ng career-best 26 points kasama ang anim na tres para harapin sa Final Four ang No. 4 Perpetual Help (11-7) simula sa Biyernes sa MOA Arena.
Para sa Chiefs na lumagpak sa No. 2 ay toka ang No. 3 Mapua (12-6) na kumakapit kay reigning MVP Allwell Oraeme.
Kailangan lang ng San Beda at Arellano ng isang panalo para umabante sa best-of-three finals.
Sakaling magkaroon ng deciding game, ilalaro ito sa Martes sa MOA pa rin.
“This is a good win because we want to go to the Final Four with momentum,” ani San Beda coach Jamike Jarin.
Ganadong umatake si Soberano, sumalpak ng pito sa 10 tira kasama ang six-of-nine sa three-point line sa 23 minutong paglalaro.
“I just want to help the team win,” wika ni Soberano.
Tumipa rin si Robert Bolick ng 14 points, seven rebounds at four assists habang si rookie big man Benedict Adamos ay may 14 points, six boards at four blocks para sa San Beda.
Nirehistro ni Jio Jalalon ang 14 markers para sa Arellano.