Sanofi supalpal sa pagbalik ng Dengvaxia

Hindi kinatigan ng Department of Health (DOH) ang ­panawagan ng vaccine manufactu­rer Sanofi Pasteur para sa muling ­pagbebenta ng kontrobersual na Dengvaxia sa bansa, sa gitna ng deklarasyon ng national dengue epidemic.­

Sa desisyon ng DOH, pinagtibay nito ang nauna nang pasya ng Food and Drug Administration­ (FDA) sa ­pagkandela ng ­certificate of ­product registration ng Dengvaxia dahil sa kakulangan umano ng kompanya para ­magpasa ng mga post-approval ­requirement na ­nagresulta sa pagbabawal sa ­pagbebenta, ­pag-distribute at pag-manufacture ng nasabing­ bakuna.

Sinabi naman ni DOH Secretary ­Francisco Duque III sa isang pahayag, na ginawa ang desisyon base sa pagbalewala ng Sanofi sa regulasyon ng FDA, na inilagay para masi­guro ang kaligtasan ng publiko at hindi ang pagiging­ epektibo ng bakuna ang isyu.

Bigo umano ang Sanofi Pasteur na maghain ng ikatlo at ikaapat na bersyon­ ng risk ­management plan nito na ­naglalaman ng ulat sa na­ging hakbang simula nang magkaroon ng Dengvaxia scare noong 2017.

Samantala, ­itinanggi ng Sanofi Pasteur na lumabag ito sa regulasyon ng FDA. Nagpasa­lamat din ito sa kagawaran dahil sa ­pagkilala na hindi ­eksperimento ang kaligtasan ng Dengvaxia. ­Pag-aaralan din anila ang legal na magagawa upang ­maipamahagi muli ang Dengvaxia sa merkado.