Hangga’t wala umanong ipiniprisintang appointment letter si Subic Bay Metropolitan Authority (SBMA) incoming chairman at administrator Martin Diño ay hindi bababa sa kanyang puwesto si outgoing SBMA chairman Roberto Garcia.
Una nang nagpahayag si Garcia na personal nitong nakausap si Diño kasama ang ilang tauhan bilang transition team noong nakaraang linggo subalit wala umano itong dalang appointment letter galing kay Pangulong Rodrigo Duterte nang magsadya sa kanyang tanggapan.
Sa panayam ng Abante kay Garcia, posibleng umano ngayong linggo ay magkaroon na ng turn-over ceremony sa pagitan nila ni Diño na bagay na kanyang hinihintay upang tuluyan na umanong magretiro sa serbisyo.