Pinaghalong professional-amateur selection ang ipaparada ng Pilipinas sa 3rd FIBA 3×3 Men’s World Championship 2016 sa Tianhe Sports Complex sa Guangzhou, China sa Oct. 11-15.
Bubuo sa Nationals sina Rey Guevarra ng Meralco at Karl Dehesa ng GlobalPort, Samahang Basketbol ng Pilipinas cagers Mark Belo at Russel Escoto ng Gilas Pilipinas 5.0 na kapwa produkto ng FEU.
Ka-bracket nila sa Men’s Pool C ang Poland, Romania, Spain at Hungary.
“We are upbeat with the opportunity to play in the 2016 FIBA 3×3 World Championship, the equivalent of 5×5’s FIBA World Cup,” sabi kahapon ni SBP executive director Sonny Barrios. “We have made great strides at the 3×3 game since we started playing at the FIBA International level in 2013, when Kobe Paras even won the slam dunk contest in Singapore.”
Paalis ng bansa ang team sa Oct. 9.
Nasa Pool A ang Serbia, Russia, Italy, defending champion Qatar at New Zealand. Sa Pool B ang Slovenia, Uruguay, Andorra, Indonesia at Egypt. Sa Pool D ang US, Netherlands, Japan, Turkey at host China.