Para maproteksyunan ang mga estudyanteng sumasama sa field trip at iba pang out-of-town activities ay nakatakdang magpatupad ng bagong regulasyon ang Commission on Higher Education (CHED).
Ang bagong polisiya, ayon kay CHED Commissioner Prospero ‘Popoy’ De Vera, ay ilalabas kasunod ng napipintong pagkapaso ng moratorium na ipinatupad ng CHED na nagbabawal na magsagawa ng field trip dahil sa Tanay tragedy na ikinamatay ng 15 estudyanteng nagpartisipa sa field trip ng Bestlink College of the Philippines.
“We will require them to have insurance for students, check the registration, insurance, franchise, and road-worthiness of vehicles used in the transportation of students, coordinate with local government units, because there have been incidents in the past, like in Bulacan State University, where students went on a field trip and the students drowned,” paliwanag ni Commissioner De Vera sa press briefing sa Malacañang kahapon.