Games ngayon: (Bukit Serindit Indoor Stadium)
4 p.m. — Laos vs Philippines
6 p.m. — Singapore vs Thailand
8 p.m. — Indonesia vs Malaysia
Umarya ang nakakangingilong depensa ng Perlas Pilipinas sa second period tungo sa pagpulbos sa Singapore, 69-43, sa pagbubukas kahapon ng 9th SEABA Women’s Championship eliminations sa Bukit Serindit Indoor Stadium, sa Malacca, Malaysia.
Isang 21-4 run ng Filipinas ang nagpalayo rito sa last four minutes ng second frame para sa 46-27 lead sa halftime break kung saan ang 14 turnovers ng Singaporeans ay na-translate ng una sa 16 points.
Bida sa Nationals na suportado ng Blackwater Women si Chak Cabinbin na lumagare ng 16 points, 13 sa second quarter. Umagapay si Camill Sambile ng 10 pts.
“We were a little bit sluggish. We came here 1:30 p.m. and it was like siesta time,” sambit ni Pinay coach Patrick Aquino. “But I’ve told the players, you’ve got to work hard from start to finish and you can’t have that kind of start from teams like Malaysia, Indonesia and Thailand.”
Maglalaban ngayong alas-kuwatro ng hapon ang Philippines at Laos.