Walang dudang susunod sina Kenji Trey Duremdes at Joachim Eddie Laure sa yapak ng kanilang mga amang superstars matapos mapili sa Jr. NBA All-Stars noong Linggo sa SM Mall of Asia Music Hall.
Pinangunahan ng mga anak nina dating PBA cagers Kenneth Duremdes at Eddie Laure ang walong lalaking nahugot sa three-day camp na nilahukan ng 72 boys at girls galing regional selection camps.
Nasa event sina Orlando Magic guard Elfrid Payton, WNBA All-Star Sue Wicks at NBA legend Dikembe Mutombo.
Ang ibang nasama sa boys ay sina Jan Clement Macalalag, Victorino Torres, Johndel Austria, Ian Dominic Espinosa, Reinhard Jumanoy at Jeryk Dwight Bait.
Napili sa girls sina Boni Marylene Solis, Jane Araza, Jeehan Nikaela Ahmed, Jazmine Ann Maniquis, Lindsey Nacional, Camille Nolasco at Chinnsai Demana.
Sina Catrina June Biongcog at Jed Cabellon ang Jr. NBA Philippines 2017 Coaches of the Year.
Si Duremdes ang Jr. NBA MVP sa boys, sa girls si Solis.