Naisumite na ng Board of Generals ng Armed of the Philippines (AFP) ang shortlist ng mga opisyal na pagpipilian ni Pangulong Rodrigo Duterte na ipapalit sa puwestong ibabakante ni AFP Chief of Staff, Gen.Eduardo Año.
Si Año ay nakatakdang magretiro na sa Hunyo 2, napaaga ng apat na buwan dahil na rin sa pagpapaunlak sa pagtalaga sa kanya ng Pangulo bilang DILG secretary.
Kabilang sa nasa shortlist ay sina Lt. Gen. Rey Leonardo Guerrero, chief ng Eastern Mindanao Command; Lt. Gen. Salvador Mison, vice chief of staff; Vice Admiral Ronald Joseph Mercado, Flag Officer in Command ng Philippine Navy; at si Vice Admiral Narciso Vingson, deputy chief of staff.