Matapos ang matagumpay na pagdalo sa ASEAN Summit sa Laos at pagbisita sa Indonesia ni Pangulong Rodrigo Duterte, may isa o dalawang bansa na naman itong nakatakdang bisitahin.
“Mayroon isa o dalawang bansa maaaring puntahan ang ating Pangulo ngayon, bago matapos ang buwan. “Maaaring” sasabihin ko, hindi ko sasabihing sigurado na pero it was discussed na isa o dalawang bansa.
Hindi ko lang masabi kung anong bansa iyon,” pahayag ni Presidential Communications Office (PCO)Secretary Martin Andanar sa isang panayam sa radyo (DZBB) kahapon nang matanong ang mga nakalinya pang foreign trip ng Pangulo.
“Actually lahat, ini-invite siya. Ini-invite siya ng Singapore, ini-invite siya ng Japan, ini-invite siya ng Vietnam, Thailand — ini-invite siya ng lahat ‘no. Well, I guess, it’s the same also for the other countries na kapag may bilateral meetings, i-invite mo rin sila sa bansa natin,” ayon pa sa PCO Chief.
Pero sa lahat ani Andanar ng nag-imbitang mga lider ang Singapore at Vietnam ang kabilang sa unang umimbita kay PDu30.