KAWAWA si Bb. #13 Sirene Sutton.
Bago ang coronation night ay isa si Sirene sa hinuhulaang makakakuha ng isa sa mga pinag-aagawang titulo.
Na-lost ang lahat ng chances niya dahil inalat siya sa dreaded Q&A segment.
Ninerbyos, nalito, naguluhan o hindi niya naintindihan ang tanong, kaya nag-NO agad si Sirene, saka siya nag-YES, tapos ay nag-NO siya ulit.
Ang masakit pa, inabutan siya ng time limit kaya hindi na niya nasagot ‘yung tanong.
Agad-agad ay inihilera si Sirene sa mga katulad ni Janina San Miguel na epic fail ang sagot sa Q&A.
Sayang. Kaya lang ay ganu’n kaimportante ang Q&A na ligwak siya agad at ni hindi siya nag-runner-up.
Mukhang totoo ‘yung tsika na mas binigyan ng weight this time ng Bb. Pilipinas ang kakayahang sumagot ng mga kandidata.
Hindi na puwedeng panay ganda o katawan lang, mas mahalaga ang may utak at marunong magsalita.
In fairness ay maganda ang resulta nito dahil pawang magagaling sumagot ‘yung mga nanalo.
Ibig sabihin, kumpiyansa kang hindi tayo magkakalat sa Q&A portion sa international competitions.
Madalas kasi itong mangyari at matagal na itong kahinaan ng mga kandidata natin, na sana this time ay nabago na.