Ginawang sangkalan ng New York Knicks ang 130-118 panalo kontra dunayong San Antonio Spurs para putulin ang 18-game losing streak sa Madison Square Garden Linggo ng gabi.

“It’s major,” bulalas ni Dennis Smith Jr. pagkatapos ng first home victory niya bilang Knick. “We’ve been having our fans come out and support every night and haven’t won here since Dec. 1. I wasn’t part of that one, so I’m glad that we could get it tonight and just give the fans something to see.”

Umiskor si Damyean Dotson ng 27 points, may tig-19 sina Smith, Kevin Knox at Emmanuel Mudiay. Namigay pa si Smith ng 13 assists, nagbaba si Knox ng 10 boards, at tumapos si rookie Mitchell Robinson ng 15 points, 14 rebounds at five blocked shots.

Nagsumite si DeMar DeRozan ng 32 points at 9 rebounds sa Spurs. May 18 points si LaMarcus Aldridge pero nalimitahan sa 13 minutes lang sa loob ng tatlong quarters dahil sa foul trouble.

Best 3-point shooting team sa liga ang Spurs bago ang laro pero nalimitahan ng Knicks sa 6 for 24 lang sa labas ng arc.