Stalzer, Usher parating na

Magkakaroon ng mas mahaba-habang panahon para magkagamayan ang players ng Foton Filipinas na sasabak sa AVC Asian Women’s Club Cham­pionship sa Setyembre 3-11 sa Alonte Sports Center sa Biñan, Laguna.

Sinabi ni team mana­ger Jose Mari Anguli na parating na ang foreign reinforcements ng Tornadoes na sina Lindsay Stalzer at Ariel Usher. Dara­ting si Stalzer sa Agosto 12 mula Denver, Colorado, sa Agosto 15 paparito si Usher mula Portland, Oregon.

Tatlong linggo na magsasama-sama ang in-assemble na team, at na­ngako sina Stalzer at Ushe­r na kondisyon sila para lumaro. Galing din ang dalawa sa indoor at outdoor volleyball camps nitong summer sa US.

Sasama na ang dala­wang imports sa daily training ng Foton umpisa sa Agosto 16, pagkatapos ng Philippine Superliga All-Filipino Confe­rence sa Agosto 14.

“Both of them are in great shape and there will be no honeymoon period­,” wika ni Angulo.

“We will buckle down to work as soon as possible and get themselves fami­liar with the locals.

Isasahog sina Stalzer at Usher kina Aby Maraño ng F2 Logistics, Rachel Anne Daquis at Jovelyn Gonzaga ng RC Cola-Army, Jen Reyes ng Petron, at mainstays Jaja Santiago, Angeli Araneta, Patt­y Orendain, Bia Gene­ral, Ivy Perez, Rhea Dimaculangan, Maika Ortiz, Kara Acevedo, EJ Laure, Cherr­y Ann Rondina at Carol Cerveza.

Naka-bracket ang Tornadoes sa Pool A kasama ng Lien Viet Post Bank (Vietnam) at Kwai Tsin­g (Hong Kong).