Sutil na 4 menor-de-edad, 18 pa inaresto

arrested-arestado-huli

Umabot sa 22 pasaway kabilang ang apat na menor de edad, ang naaresto sa magkakahiwalay na barangay sa Rizal, Nueva Ecija sa gitna ng umiiral na enhanced community quarantine.

Dakong ala-1:30 ng hapon nang maaresto sa labas ng bahay na walang quarantine pass sa Brgy. Poblacion Norte sina Ryan Bautis, 20; Allan Camacho, 18; Jonathan Saulo, 25; Jerry Paul Benbenuto; isang 15-anyos na menor de edad, pawang residente ng Brgy Poblacion at si Arnel Alvaytar Domingo, 20 ng Brgy Poblacion East, Rizal.

Sa Brgy. Calocan District, naaresto dakong alas-8:30 ng gabi sina Ireneo Mallari, 49; Antonio Sulfelix , 47; Mario Abenoja, 47; Nicasio Boliva, 54; Agusto Abenoja, 44, pawang taga-Brgy Calaocan District; arestado rin sa Brgy. Gen Luna sina John Arthur Manuel, 18; Erizon Domingo,18, Kristel Angelic Bondoc, Darwin Fabros, 46 at Christopher Blaza, 37.

Sa Brgy. Agbannawag ay nasakote rin sila Noel Alano, 44; MarkIan Servas, 29 at tatlong iba pang menor de edad.

Kaukulang kaso ng paglabag sa Article 151 ng Revised Penal Code at sa Rep. Act 11332 ang isinampa sa mga naaresto sa Provincial Prosecutor Office. (Jojo de Guzman)