‘Di kuntento ang Philippine Olympic Committee na pinamumunuan nina chairman Abraham Tolentino at president Victorico Vargas sa mga sinumiteng dokumento ng Samahang Weightlifting ng Pilipinas ni Monico Puentevella para sa rekognisyon bilang national sport association.

Kaya namemeligrong bawiin ng POC ang temporary recognition sa SWP at kay Puentevella bilang pinuno at magpaeleksyon sa lahat ng stakeholders, kabilang ang kalaban ng SWP na Philippine Weightlifting Association, Inc. ni vice president/acting president Elbert Atilano sa susunod na POC expanded board meeting sa Enero 2019.

Hiningan ng POC ang SWP ng mga dokumentong kinabibilangan ng pagkilala sa huli ng International Weightlifting Federation, Securities and Exchange Commission registration/accreditation, by laws at iba pa noong Huwebes, Nobyembre 15.

“The 3 documents submitted by Puentevella last Nov. 15 thru email did not satisfy the Committee expectations as they failed to substantiate the veracity some issues in question for SWP to gain the nod for its full recognition by the POC,” esplika kahapon ni POC Membership Committee chairman Robert Bachmann.