Bukod sa pagiging number one taekwondo jin sa Southeast Asia, may ibubuga rin pala sa pag-arte ang puwedeng pumasang beauty queen na si Pauline Louise Lopez.
At hindi basta-bastang pelikula sasalang ang 2018 Asian Games bronze medalist dahil si Direk Erik Matti lang naman ang utak sa likod ng film.
Ang pelikula ay pinamagatang “Yo!” na ayon sa post ng Reality Entertainment ay isang advanced technology movie na gagamitan ng green screen bilang set ng pelikula.
Ito ang ikalawang sunod na all green screen film ni Matti buhat ng pelikulang “Tiktik” ni Dingdong Dantes noong 2012.
“This is Yo! Our second attempt at an all green screen hyperreal fantasy movie that makes use of our favorite classic Pinoy toy, the yoyo. With Tiktik we brought back the almost forgotten folk lore of the aswangs to the present generation. Yo! brings this old fashioned childhood toy of ours to the 21st century vdeogame generation,” saad sa post ng production company.
Saad din ni Matti, balik siya sa family friendly movie matapos ang dark setting ng ‘Honor Thy Father’ na pinagbidahan naman ni John Lloyd Cruz.
Sa trailer, makikita ang paggamit ng laruang yoyo bilang panlaban sa mga masasamang elemento. Bukod pa sa yoyo tricks ay ipinamalas din ni Pauline ang kanyang taekwondo moves na talagang aabangan sa pelikula.
“We employed the help of expert yoyo-ers (yes, there’s a subculture of those like the rappers) and taught this fresh new talent we discovered Pauline Lopez, the top taekwondo champion in South East Asia right now, how to do the moves (and the rest is movie computer generated magic),” panapos ng pahayag.
Nagpasalamat naman si Pauline sa kanyang Twitter account sa tiwalang ibinigay sa kanya ni Matti, Reality Entertainment, at kanyang management na Virtual Playgrounds.
“Such an amazing opportunity (pray emoticon) thank you @RealityEntPH @ErikMatti @DonMonteverde @VPlaygroundPH” tweet ni Pauline.
Mabibilang si Lopez sa ilang atleta o player na nagkapelikula gaya nina Richard Gomez, Benjie Paras, Joey Marquez, Jimmy Santos, Ricci Rivero at iba pa.