Nagbabala ang Overseas Workers Welfare Administration (OWWA) sa mga residente ng Autonomous Region in Muslim Mindanao (ARMM) na mag-ingat na pumasok sa ‘direct hiring’ scheme upang makaiwas na mabiktima ng human trafficking.
Sinabi ni Odin Abdula, hepe ng OWWA-ARMM’s programs and services division, na dapat na tiyakin na makipag-ugnayan lamang sa mga lehitimong recruitment agencies na tinukoy ng Philippine Overseas Employment Administration (POEA) ang mga nagpaplanong umalis at magtrabaho sa ibang bansa.
Ang paalala ay ginawa ng OWWA matapos matanggap ang impormasyon na talamak ang labor violations ng mga employers mula sa mga bansang Saudi Arabia at Kuwait sa Gitnang Silangan.