Impresibo ang unang laro ni Mac Tallo sa PBA D-League, umiskor ito ng 20 puntos upang itaguyod ang Racal sa 118-100 panalo kontra AMA Online Education kahapon sa Foundation Cup sa Ynares Sports Arena, Pasig.
Nakapagtala agad si Cebuano guard Tallo ng 15 pts. sa first half at 4-of-9 sa tres upang tulungan ang Racal na ilista ang unang panalo ngayong conference.
“Ang ganda ng ipinakitang laro ni Mac (Tallo) importante sa amin itong unang panalo,” masayang sabi ni coach Jerry Codiñera. “I hope he continues to play the way he did.”
Bumakas sina Janus Lozada at Jam Cortes ng tig-17 at 15 points, ayon sa pagkakasunod para sa Racal.
Umarangkada agad ang Racal Motors sa first canto matapos hawakan ang 36-16 bentahe, lumobo pa sa 31 ang nilamang, 106-75 may 6:49 minuto pa sa fourth quarter.
Namuno sa opensa para sa AMA si Mario Bonleon na may 31 puntos at 12 rebounds habang 20 markers ang nirehistro ni Daniel Salonga.