Puwede palang ipangkarera sa racetrack itong Prima 6038 6×4 ng Tata Motors. Ito’y napatunayan sa pagbubukas ng Truckathon 2017 ng Pilipinas Taj Autogroup nitong Martes sa SMX Convention Center, SM Mall of Asia sa Pasay City nang isang fleet ng Tata Motors commercial vehicles ang ipinakita.
Sisimulan na ng Tata Motors, pinakamalaking vehicle company sa India, ang kanilang kumpetisyon sa commercial vehicles dahil alam nito ang kapabilidad ng Pilipinas bilang isa sa fastest growing ngayon sa buong rehiyon.
Nanggaling ito sa isang mataas na opisyal ng Tata Motors na dumating sa bansa para sa pagtitipon – si Rudrarup Maitra, head ng International Business for Commercial Vehicles, Tata Motors na nagsabi: “Philippines is one of our key markets in Southeast Asia and we are delighted to be a part of one of the fastest growing ASEAN nations. With years of experience in the commercial vehicle business, Tata Motors has analyzed and understood our customers well and are dedicated to providing them with best-in-class products and services. We are confident that through our trusted partnership with Pilipinas Taj Autogroup, Inc., we will be successful in establishing a long-term relationship with our customers.”
Dumating sa launching si Indian Ambassador Jaideep Mazumdar, si TAJ president Jon Fernandez Jr. at kanyang vice president at general manager Art Balmadrid, at sales and marketing division head Rico Macalintal.
“Lahat ng mga nasa Tata vehicles na nasa local market ngayon ay pulos Euro-2 at Euro-3 compliant pero magiging Euro-4 compliant lahat sa susunod na taon. Inaasahan namin ang malaking suporta ng aming mga kliyente hindi lang ngayon kundi sa pangmatagalang panahon tulad ng konsepto ng Tata Motors sa buong mundo,” dagdag ni Balmadrid.
Ang Tata Motors ay may kapitalisasyong $120-billion at nagmamay-ari ng Jaguar at Land Rover sa UK, at ng Tata Daewoo sa South Korea.