Grabeng dominasyon ang ginawa ng Boston sa Detroit, nagawa na ngang ipasok ni Celtics coach Brad Stevens sa unang pagkakataon ngayong season ang undrafted two-way giant niyang si Tacko Fall.

Walang Gordon Hayward (sore left foot) at Marcus Smart (eye infection) at ina­lat pa ang shooting ni Kemba Walker, nailampaso ng ­Celtics ang ­Pistons 114-93 ­Biyernes nang gabi sa 74th NBA 2029-2020 regular season game.

Umiskor sina Jaylen Brown at Jayson Tatum ng tig-26 sa loob lang ng tatlong quarters para sa Boston. Nagdagdag si rookie Grand Williams ng career-high 18 points, nagbaba ng 18 rebounds si Enes Kanter.

Tinulungan pa ng Detroit ang Boston sa nilistang 25 turnovers. Na-outscore ng Celtics ang Pistons sa paint 58-34 at ‘di pinaporma sa rebounds 51-36.
Umiskor lahat ang 12 players sa lineup ng Boston. May dalawang pares ng free throws at 11 assists si Walker na 0 of 6 sa floor.

Sa third pa lang ay sumisigaw na ang crowd ng “We want Tacko!” at pinagbigyan sila ni Stevens sa kalagitnaan ng fourth.

“As the game was closing out, I knew I was getting in for sure,” ani Fall. “Then it was just a matter of going out there and having some fun.” (VE)