Game 2 ngayon: (Smart Araneta Coliseum)
7:00 p. m. – Ginebra vs. San Miguel
Pinaramdam agad ng TNT ang buong pwersa sa Meralco sa pagdiing mas dapat mangibabaw ang glorya kaysa pagiging magkapatid, 113-95, para daklutin ang 1-0 lead sa kanilang PBA Governor’s Cup best-of-five semifinal playoffs kagabi sa Smart Araneta Coliseum.
Dinomina ng TNT ang buong second half tampok ang pagligwak ng bangis upang mula sa first quarter six points down 8-14 at sa manipis na second period 45-43 lead, umarangkada para makalayo sa 84-63 sa third frame at hindi sumulyap pa.
Top scorer si Mike Madanly sa 22 points, may twin-twin job si Josh Ammons na 15 pts. at 11 rebounds, naka-16 si Troy Rosario, 14 si Jayson Castro at 12 si Ranidel de Ocampo para sa balanseng atake ng team.
Ang three free throws ni De Ocampo buhat sa foul ni Cliff Hodge ang nagpamaga pang lalo sa 24 na bentahe ng TNT, 113-89, may 3:33 na lang sa gamelock para sixth straight wins kasama ang quarterfinals victory sa Phoenix at sa eliminations.
May 26 markers at 21 boards si Allen Durham sa panig ng Meralco, pero ang 16-puntos ni Hodge at 12 ni Jared Dillinger lang ang mga nakaagapay sa kanya.
“Just the first game, it’s a series. We’ll go back to the drawing board, we know Meralco can come back we can’t put our guards down we haven’t accomplished anything, it’s a long way to go,” namutawi kay Katropa coach Jong Uichico.
Pakay naman ng Ginebra na maitarak ang krusyal na 2-0 edge sa gayang race-to-three win semis series sa utol din at defending champion San Miguel sa Game 2 sa Cubao playing-venue rin mamayang seven o’clock.
Nasisilip ni coach Tim Cone ang mas mahirap na girian tapos maipuslit ng kanyang kampo ang 115-108 come-from-behind victory kamakalawa mula pagkaiwan ng 13 pts. sa first half.
“It was an incredibly tough win and we expect game two to be even tougher, although that is hard to believe. We had to bleed for that game one win,” aniya. “We can’t have a repeat of that first half whereby SMB really outclassed us. We need to get off a more focused start.”
Iskor:
TNT 113 — Madanly 22, Rosario 16, Ammons 15, Castro 14, De Ocampo 12, Fonacier 9, Williams 8, Reyes 6, Rosales 6, Tautuaa 5, Ababou 0, Rosser 0.
Meralco 95 — Durham 26, Hodge 16, Dillinger 12, Alapag 8, Amer 8, Hugnatan 8, Faundo 6, Nabong 3, Newsome 3, Uyloan 3, Al-Hussaini 2, Buenafe 0, Guevarra 0.
Quarters: 24-23, 45-43, 84-67, 113-95.