Dinakip ng Parañaque City Police ang isang lalaki na tinaguriang Top 9 Most Wanted Person sa lungsod nitong Sabado ng hapon.
Kinilala ni Parañaque City Police chief, Sr. Supt. Jemar Modequillo ang akusadong si Boyet Rodriguez, alyas ‘Rodrigo Rodriguez y Nagala’, 59, walang trabaho, ng Lower Barangay San Antonio Valley 1, ng naturang siyudad.
Sa ulat ng Southern Police District (SPD), alas-singko ng hapon nang arestuhin ng mga pulis ang nasabing suspek sa kanyang tirahan matapos isilbi ang warrant of arrest na inisyu ni Parañaque Regional Trial Court (RTC) Branch 196 Judge Brigido Artemon Luna dahil sa kasong robbery.