Mga laro ngayon: (Alonte Sports Arena)
4:30 p.m. — Blackwater vs. SMB
6:45 p.m. — TNT KaTropa vs. Ginebra
Top seeding na lang ang nakataya nightcap game ng Ginebra at TNT KaTropa sa pagbaba ng tabing mamaya ng PBA Governors Cup elims na mapapadpad sa Alonte Sports Arena sa Biñan.
Leading ang TNT sa 9-1 win-loss slate at undefeated sa last three matches, half-game ahead sa unahan ng Ginebra (8-2) na winner sa huling apat na sabak.
“I don’t think either team is going to give an inch,” text message kahapon ni Gin Kings coach Tim Cone. “It could turn out to be the best non-bearing game in history. “We’d be honored to be the top seed.”
Latest victim ng TNT nung Linggo ang Star 115-105 sa Mall of Asia Arena. Huling nilango ng crowd darlings ang Phoenix 96-87 sa Ynares Center-Antipolo nung Miyerkules.
“They take it upon themselves that they know that they have to keep their level of play on a high,” sambit naman ni KaTropa coach Jong Uichico.
“I think Ginebra will be the real test. We might not meet them in the Top Four, but, for sure, if we go to the next round, we could,” dugtong ni Uichico, dating taga-mando ng Gins bago napadpad sa KaTropa nung 2014.
Backcourt trio nina Scottie Thompson, LA Tenorio at Sol Mercado kasama si Justin Browlee ang pangunahing armas ni Cone. Kay Uichico ay sina Jayson Castro, Ranidel de Ocampo at Mychal Ammons.
Sa pampalabok na giyera, ipaparada ng defending champion San Miguel Beer (7-3) si 2013 Best Import Elijah Millsap kapalit ni Mike Singletary laban sa out nang Blackwater (1-9).
Pare-pareho nang nakasiguro ng twice-to-beat bonus sa quarterfinals ang KaTropa, Gin Kings at Beermen.