Napanatili ni Pangulong Rodrigo Duterte ang kanyang “excellent trust rating” sa pinakahuling survey na isinagawa ng Social Weathaer Stations (SWS).
Base sa first quarter survey ng SWS ngayong taon, nasa 80 porsiyento ng mga Pinoy ang may “much trust” kay Duterte, 11 % ang undecided, at 10 % ang may “little trust.”
Dahil dito ay naitala sa “excellent” sa +70 net trust rating ang Pangulo kumpara sa +72 na kanyang nakuha noong Disyembre 2016.
Isinagawa ang survey nitong Marso 25-28 sa pamamagitan ng face-to-face interview sa may 1,200 mga Pinoy na nasa tamang edad sa buong bansa.
Matatag naman ang trust rating ni Duterte sa class ABC na umakyat sa ‘excellent’ mula sa dating ‘very good’ na tumaas ng 16 puntos at naging +75. “Excellent” o +71 naman sa Class D o “masa,” pero nabawasan ng walong puntos at “very good” +64 sa Class E.
Kung sino pa ang sektor na tinutulungan ng gobyerno na umahon sila pa yung madalas na nagrereklamo, silang hindi nagbabayad ng buwis sila pa ang nagiging dahilan ng pagdami at paglago ng populasyon at ang sektor na lubhang naapektuhan ay mga class B at C na syang walang magawa dahil otomatiko ng kinakaltas ang buwis samantalng ang mga mayayamang negosyante o yung mga nasa kategoryang Oligarch ay nakapandaraya pa sa pagbabayad. Itong mga survey na ito ay wala naman talagang direktang naitutulong sa pag unlad bagkus nagagamit pa ng mga kalaban sa pulitika.