Babawi ang BaliPure Purest mula sa pagwalis ng defending champion Creamline nitong Sabado, at reresbakan ang 1st round tormentor Pacific Town Army sa 3rd PVL Open Conference 2019 2nd round elims 2nd game mamayang alas-kuwatro ng hapon sa Malolos Sports and Convention Center sa Bulacan.
Puputulin nina Grazielle Bombita at Menchie Tubiera at ang limang sunod na talo ng nasa ikawalong Purest Water Defenders na may hawak na pangkalahatang barahang 2-8 win-loss.
Sasamantalahin ng Water Defenders ang pagliban nina coach coach Emilio ‘Kungfu’ Reyes, Jr. at opposite hitter Jovelyn Gonzaga para maiganti ang straight set loss sa malamang pangunahan ni Royse Tubino na nasa panlimang Lady Troopers (4-5).
Naka-15 markers si Tubino at 13 si Tubiera sa laban kontra Chef’s Classic nitong Miyerkoles na kanilang napasakamay sa sa straight sets.
Alas-kuwatro ng hapon ang hambalusan ng BPP at PTA, tapos ng alas-dos ng hapong paluan ng nasa pampitong Choco Mucho (2-6) at nasa kulelat na Lady Red Spikers (0-9). (Aivan Denzel Episcope)