Umapela si Senador Joel Villanueva kay Pangulong Rodrigo Duterte na lagdaan na ang Tulong Trabaho bill na magbibigay ng free access sa technical-vocational education.
Sa gitna ito ng impormasyon na marami sa mga educated Filipinos ay bahagi ng halos kalahati ng unemployed population.
Batay sa JobsFit 2022 Labor Market Information (LMI) Report ng Department of Labor and Employment (DOLE), 43.9% ng halos isang milyong walang trabaho ang nakatuntong o graduate ng high school.
Nasa 825,000 naman ang college undergraduates at mga nakatapos ng college degree.
“This is a serious concern since it highlights the prevalence of job-skills mismatch in our country. To help resolve unemployment, the knowledge and skills of our graduates must match with the jobs needed by the market,” saad ni Villanueva, chairman ng Committee on Labor, Employment and Human Resources Development.
Lumitaw din aniya sa report na ang mga college undergraduate o graduate ay mas madalas na hindi naha-hire kumpara sa mas mababa ang pinag-aralan. (Dang Samson-Garcia)