Nauwi sa kamatayan ng isang hinihinalang big-time pusher at tumatakbo pang konsehal makaraang manlaban umano sa ikinasang buy-bust operation sa bayan ng Pilar, Sorsogon.
Kinilala ng Philippine Drug Enforcement Agency (PDEA) ang napatay na si Roy Lumbao, 55, sa operasyon na ginawa sa Brgy. Binuahan, alas-8:30 nang gabi kamakalawa.
Sa nasabing operasyon nakabili umano ng shabu kay Lumbao na nagkakahalaga ng P18,000 ngunit nang matunugan nito na operatiba ang kanyang katransaksiyon ay naglabas ito ng .45 pistol at pinaputukan ang pulis na agad gumanti sa suspek at ikinasawi nito.
Kabilang umano sa mga high-value target si Lumbao at matagal nang sinusubaybayan ng mga awtoridad.