Hanggang sa testimonya sa paglaganap ng droga sa New Bilibid Prison (NBP) lamang ang sakop ng immunity na ibinigay ng liderato ng Mababang Kapulungan ng Kongreso sa mga tumestigong preso.

Ito ang nilinaw kahapon sa Kamar­a matapos pagkalooban ng immunity ang u­nang a­nim na saksi na iniharap ni ­Department of Justice (DOJ) Secretary Vitaliano Aguirre III sa House committee on justice na nag-iimbestiga sa ­paglaganap ng droga sa NBP.

Ang anim na testigo ay kinabibila­ngan nina Herbert Colanggo, Noel ­Martinez, Jaime Pacho, Rodolfo Magleo at Rafael Ragos ng Bureau of Correction (BuCor) at Jovencio Ablen Jr., ng National Bureau of Investigation (NBI).

“Don’t get the impression that their exemption will go to the extent of their criminal liability for their drug convictions,” pahayag ni Albay Rep. Edcel Lagman sa press briefing kahapon.
Nilinaw din ni Aguirre sa komite na tanging sa statement lang ng mga saksi sa nasabing pagdinig sila “immune” sa kaso na maaaring isampa laban sa kanila.

“We did not promise them anything,” ni Aguirre sa komite kahapon nang personal nitong hingin sa mga mambabatas na bigyan ng immunity ang kanilang mga witness na agad namang inaprubahan ni House Speaker Pantaleon ‘Bebot’ Alvarez.