Mga laro ngayon (FilOil Flying V Center)
10:00 a.m. – La Salle vs. St. Benilde (m)
1:00 p.m. – UP vs. UST (m)
4:00 p.m. – Arellano vs. St. Benilde (w)
6:30 p.m. – Ateneo vs. JRU (w)

Dadalhin ng teams ng UAAP at NCAA ang karibalan sa Premier Volleyball League sa siklab ng Collegiate Conference ngayong sa FilOil Flying V Center sa San Juan.

Banggaan agad ang reigning NCAA titlist Arellano Lady Chiefs at St. Benilde Lady Blazers sa unang laro, sunod na magkakaldagan ang Ateneo Lady Eagles at JRU Lady Bombers.

Isa sa mga markadong teams ang Lady Eagles kahit wala na si top setter Jia Morado.

Dalawang beses nag-runner-up ang Ateneo sa NU sa V-League Collegiate Conference ng event na inorganisa ng Sports Vision.

“Like any other team, our goal is to win the championship,” saad ni Bea de Leon, ang bagong team captain ng Ateneo.

Hinati sa dalawang grupo ang 12 koponan.

Nasa Group A ang Ateneo, JRU, San Sebastian, NU, Lyceum at FEU.

Sa Group B ang Lady Blazers, Arellano, UP, TIP, San Beda at Adamson.