Ulan pa more sa Habagat

ulan

Patuloy na magiging­ maulan ang ilang bahag­i ng Luzon maging sa ilang bahagi ng bansa dahil pa rin sa pag-iral ng Habagat­, ayon­ sa Philippine­ ­Atmospheric Geo­physical­ and Astrono­mical Ser­vices­ Administration ­(PAGASA).

Nakataas pa rin ang babala sa posiblen­g baha at landslide sa mga rehiyon ng Ilocos, Cordillera­ Adminis­tra­tive­ Region (CAR) at Central Luzon at dahil sa pag-uulan ay makakaranas din umano­ ng mga pagbabaha sa ­Zambales kung saan ay nakataas­ ngayon ang ­Orange Rainfall Warning habang Yellow Rainfall Warning naman ang nakataas sa mga probinsiya ng Bataan, Tarlac at Pampanga.

Mahina hanggang sa minsan ay malakas na pag-uulan din ang mara­ranasan sa Kalak­hang Maynila maging sa mga lalawigan ng Bulacan,­ Nueva Ecija, Rizal, ­Laguna at ­maging sa Quezon.

Hanggang sa araw ng Miyerkules ay magiging­ mataas ang tsansa ng pag-uulan sa bansa at bababa­ naman pagsapit ng araw ng Huwebes ngunit muling­ tatataas­ pagsapit ng araw ng ­Biyernes.

Sa ngayon ay wala na rin namang namamataang bagyo sa loob man o sa labas ng P­hilippine Area of Responsibility­ (PAR) ngunit patuloy ang pag-iral ng ­hanging Habagat lalo na sa Northern Luzon.