Tatlong ulit na dumanas ng aberya kahapon ang mga tren ng Metro Rail Transit Line 3 (MRT-3) na naging sanhi ng matinding pagkaabala ng mga pasahero nito.

Batay sa abiso ng pamunuan ng MRT-3, ­unang napilitang magpababa ng mga pasahero ang isang tren ng MRT-3 dakong alas-5:52 ng madaling-araw sa southbound ng Ortigas Station.

Pagsapit ng alas-11:28 ng tanghali ay nagbaba muli ng mga pasahero­ ang isa pang tren nito sa southbound ng GMA Kamu­ning Station.

Ang ikatlong aberya ay naganap naman sa southbound ng Buendia Station dakong ala-1:56 ng hapon, kaya’t muli itong nag-unload ng mga pasahero.

Pawang technical problem naman ang itinuturong dahilan ng mga naturang aberya, na umabot sa Category 3 status, na nangangahulugang inalis ang mga tren sa linya nang walang kapalit.