US trip ni Purisima sinopla

alan-purisima

Sinopla ng Office of Special Prosecutor (OSP) ng ­Office of the Ombudsman ang inihaing motion to travel­ ni dating Philippine National Police (PNP) ­Director General Alan Purisima na makapunta sa Amerika sa Setyembre.

Sa tatlong pahinang “opposition” na inihain ng OSP, iginiit ng mga ito sa Sandiganbayan Sixth ­Division na huwag payagang makaalis ng bansa si Purisima na nahaharap sa kasong katiwalian kaugnay ng maanomalyang kontrata na pinasok nito sa Werfast Courier Service para sa delivery ng lisensya ng baril noong 2011.

Sa mosyon ni Purisima, hiniling nito na makaalis sa Setyembre 5 para mabisita ang kanyang anak na nag-aaral sa Amerika, partikular na sa California na magtatagal hanggang Setyembre 22.

“From the tenor and import of accused motion, no urgent o compelling reason can be discerned to justify­ the grant of judicial imprimatur thereto. Accused has not sufficiently shown that there is absolute necessity for him to travel,” ayon pa sa OSP. ­