Dadaluhan ng Philippine Olympic Committee delegation kabilang si President Ricky Vargas, Chairman Abraham Tolentino, Secretary-Gene­ral Patrick Gregorio at Communications Director Ed Picson ang Olympic Council of Asia (OCA) Congress sa Intercontinental Hotel sa Bangkok, Thailand.

Ilan sa mga pagdidiskusyunan ay ang pagbabago sa OCA Constitution, reports mula sa vice presidents ng Asian regions ng East Asia, Southeast Asia, South Asia, Central Asia at West Asia.

Tatalakayin din ang mga report mula sa 2020 Tokyo Olympics Committee, 2022 Beijing Winter Olympics Committee, the Association of National Olympic Committees (ANOC), World Anti Doping Association (WADA), ganun din ang OCA Standing Committees na pag-uusapan ang Athletes Commission, Culture, Education, Ethics, Finance, Media, Medical, Rules, Sports at iba pa.

Pagkakataon din ito para sa mga Filipino delegate na makipag-ugna­yan sa Asian National Olympic Committees at Southeast Asian delegates para pag-usapan ang pagho-host ng bansa sa Southeast Asian Games sa Disyembre.