AYAW nang mag-entertain ni Jessy Mendiola ng mga kanegahang isyu nang nakatsikahan ito sa FHM party kamakalawa nang gabi sa Valkyrie Club sa BGC.
Masaya siya dahil nairaos ang pagrampa na hindi siya nadapa. Muntik-muntikan siyang matapilok dahil hindi siya sanay rumampa.
Hinanap si Luis Manzano sa naturang event pero wala siya. Hindi raw niya inimbita.
Sila na ba ni Luis?
“Hindi pa,” nakangiti niyang sagot.
Kailan sila aamin ni Luis.
“Pag ‘yun na!” pakli nito.
Marami kasing nag-e-expect na sila na kaya ang hinihintay na lang ang kanilang pag-amin.
“Eh kasali din pala sila sa relasyon,” medyo natatawa niyang sagot na halatang hindi siya kumportableng pag-usapan kung ano ang namamagitan sa kanila ni Luis.
Bakit inimbita siya ni Cong. Vilma Santos sa dinner kung walang something sa kanila ni Luis?
Ikinuwento naman ni Jessy ang tungkol sa dinner na iyun na kung saan inimbita siya sa tahanan nina Luis.
“They actually invited me for dinner,” kuwento ni Jessy.
“So she was kind enough to ask me how I was. Tapos, she advised us just be happy as long as wala kaming ginagawang masama.
“Sobrang kinabahan ako. Pero sobrang mabait siya Nakakatuwa kasi pagpasok ko pa lang sa bahay nila, sobrang welcome na ganyan.
“I can attest na talagang mabait si Cong. Vi,” masayang tsika ni Jessy.
***
Sa ngayon ay okay na mas gusto niyang huwag nang mag-entertain ng mga negatibong isyu.
Pati ang pahayag niya noon sa mga sinabi ni Angel Locsin ay ayaw na niyang balikan pa.
“Actually I promised myself and the people around me that’s going to be the last time to answer that issue.
“Siguro at that time I was very hurt. And you know how people are when they are hurt, sad, angry or whatever, they got to say things that are not really well thought of.
“Siguro, ‘yun lang talaga ang naramdaman ko at that time!
“I meant that. So, just leave it there,” deretso niyang pahayag.
Pati sa bashers ay ayaw na niyang magpaapekto.
“Wala, ganu’n talaga. Magkakaroon talaga ng basher, magkakaroon talaga ng mga haters.
“But I’m not the only one who’s being bashed. I’m not the only one who’s been hated. But, hell I’m the sexiest woman right now and I’m just really happy.
“So, I’ll just leave it at that,” bonggang sagot ni Jessy.
Nagpapasalamat na rin siya kay Luis dahil ito na ang nagha-handle ng bashers sa Instagram account niya.
“He’s very kind enough to take over my Instagram account and delete the bad comments and blocked all the haters one by one.
“I could say that mas tumibay naman talaga ‘yung nangyayari. Sabi nga niya, it’s a journey,” sabi pa ng FHM’s Sexiest Pinay.
ang yabang ng sagot niya.. someone should advice her how to answer interview questions without sounding so arrogant and mayabang. that’s why andaming bashers and andaming nagsisisi sa pagboto sa kanya sa FHM dahil nadaya daw sila ng instagram pics niya