Bisita ang Philippine Volcanoes sa weekly Philippine Sportswriters Association Forum mamayang 10:30 a.m. sa Shakey’s Malate.
Sasamahan nina director of rugby Matt Cullen at coach Jovic Papon ang dalawang players ng Volcanoes para himayin ang kanilang preparasyon sa 2017 Southeast Asian Games sa Kuala Lumpur, katatapos na U19 development series kontra Hong Kong, at ang sisipang U19 championship series sa bansa.
Bisita rin si body builder at fitness buff Gemmalyn Crosby, kasama ang manager niyang si Marissa Pangilinan, para i-promote ang Philippine Fitness and Wellness Expo sa Sabado.
Panauhin din ang mga opisyales ng Inter-Scholastic Athletics Association, First Asia Institute of Technology and Humanities managing director Juan Lozano, FAITH athletic director Lito Arim at Noli Eala ng San Pablo Colleges para talakayin ang NCAA South na magbubukas sa Sept. 8.
Ang weekly forum ay mapapakinggan ng live sa DZSR Sports Radio 918 at hatid ng San Miguel Corp., Accel, Shakey’s at Pagcor.