Balik sa finals sina Ben Wallace at Chris Webber, pero hindi para sa isang basketball championship.

Pangungunahan nina Wallace at Webber ang 13 finalists ng Naismith Memorial Basketball Hall of Fame na inihayag nitong Biyernes.

Si Wallace ang hardworking center ng ­Detroit Pistons na nagkampeon noong 2004. Bukod sa kanyang depensa at puwersa sa paint, nakilala si Wallace sa kanyang sabog na buhok kaya binansagang “‘Fro” at “Fear the ‘Fro” mantra sa 16-year NBA career.

Maangas na si Webber mula college days, ­miyembro ng Fab Five ng Michigan State na rumampa sa back-to-back NCAA championship games noong 1992-93. Siya ang 1994 NBA rookie of the year at naging five-time All-Star.

No. 1 pick ng Orlando noong 1993 si Webber pero unang naglaro sa Golden State Warriors (93-94), lumipat ng Washington Bullets/Wizards (94-98), nagtagal sa Sacramento Kings (98-05), napunta ng Philadephia (05-07), tumawid ng Detroit (07) bago nag-retiro sa Golden State (08).

Bukod kay Wallace, first-time finalists sina ­dating players Paul Westphal, Jack Sikma at Marques Johnson.
Dati nang finalists sina Webber, Sidney Moncrief, Bobby Jones, NBA coach Bill Fitch, women’s player Teresa Weatherspoon at college coach Eddie Sutton.

Sina Moncrief, Wallace, Jones at Weatherspoon ay mga kilalang defenders – “Defense matters,” sabi nga ni Moncrief.
Finalists din sina high school coach Leta Andrews, 28-year NBA referee Hugh Evans, at Bentley longtime coach Barbara Stevens.

Sa September ang induction ng 2019 class.

Sa 2020 class ay halos sigurado nang kasama sina Kobe Bryant, Tim Duncan at Kevin Garnett.