Paglilinaw ni Senate Minority leader Franklin Drilon, na kahit nasa ilalim ng Martial Law o suspendido ang privilege of the writ of habeas corpus, hindi pa rin maaaring gawin ang warrantless arrest maliban na lamang sa may mga kasong rebelyon sa korte.

“Even under Martial Law or despite suspension of the privilege of the writ of habeas corpus, warrantless arrest cannot be done except those charged in court with rebellion,” ­ayon kay Drilon, na dating justice secretary.

Nilinaw ito ng senador kaalinsunod sa pahayag ni dating Supreme Court Justice Vicente Mendoza na hindi maaaring akusahan ang pamahalaan ng paglabag sa Bill of Rights sa ­pa­nahon na umiiral ang Martial Law.

“I hope that Justice Mendoza was just misquoted. I remind him that the Constitution and the rule of law should continue to reign supreme,” ayon kay Drilon.

Paliwanag ng senador ang Bill of Rights ay hindi maaaring isantabi o balewalain kahit pinaiiral ang Martial Law o suspendido ang writ of habeas corpus dahil may mga karapatan pa rin umanong hindi maaaring labagin sa ilalim ng kasulukuyang Konstitusyon at ito’y dapat na igalang sa lahat ng oras.

“The Bill of Rights cannot be set aside even under Martial Law or even when the privilege of the writ of habeas corpus is suspended. There are rights that are considered inviolable ­under the pre­sent Constitution. Those rights should be respected at all times,” giit ni Drilon.

Dahil dito, ayon sa senador, kahit na suspen­dido ang privilege of the writ of habeas corpus ay hindi pa maaaring gawin ang warrantless arrest maliban sa krimeng rebel­yon.